English Shqip

Lajmet

Kryqi i Kuq i Kosovës / Red Cross of Kosova 17.08.2018

Me datë 13.08.2018 Kontigjenti MSU, në prezencën e Komandantit të Regjimentit Karabinieri MSU Kol. Marco DI STEFANO, i dorëzoi Kryetares së Kryqit të Kuq të Kosovës znj. Feride Hyseni një Autoambulancë, një varkë uji, dhe një motor për varkë, në vlerë të përgjithshme 13,000 euro.

Ky donacion do të shfrytëzohet për ngritje të kapaciteteve të Kryqit të Kuq të Kosovës dhe për nevojat tona në teren.

Falënderojmë Kontigjentin MSU për donacionin.

"Punë dore për humanitet" 17.08.2018

Me datën 10 Gusht 2018 u mbajt aktiviteti “Punë dore për humanitet” nga Rinia e Kryqit të Kuq të Kosovës – Dega në Prishtinë.

Në këtë aktivitet vullnetarë e Kryqit të Kuq punuan kartolina prej letre, çanta prej letre, parakord, varse për çelësa, rruza dore. Nga shitja e këtyre produkteve u mblodhën 404 euro të cilat do të dedikohen për familjet në nevojë.

Aktiviteti u mirëprit nga qytetarët dhe u cilësua si i suksesshëm pasi qe u shiten mbi 95 % të produkteve prodhuara, dhe si i tillë do të përsëritet së shpejti prapë.

KRYQI I KUQ I KOSOVËS NDIHMON KLINIKËN EMERGJENTE ME EKIPE VULLNETARE 13.08.2018

Është nënshkruar Memorandumi i Mirëkuptimit ndërmjet Shërbimit Spitalor dhe Klinik Universitar i Kosovës (SHSKUK), Klinikës Emergjente dhe Kryqit të Kuq të Kosovës, në lidhje me Pilot Projektin për formimin e ekipeve vullnetare për Ndihmë të Parë nga Kryqi i Kuq i Kosovës, ndihmesë për Klinikën Emergjente.

Nënshkrimin e Memorandumit e bënë drejtori i përgjithshëm i SHSKUK-së, dr. Basri Sejdiu, Znj. Feride Hyseni, kryetare e Kryqit të Kuq të Kosovës dhe Dr. Basri Lenjani, drejtor i Shërbimit Emergjent në QKUK.

Marrëveshja parasheh formimin e ekipeve vullnetare të Ndihmës së Parë nga Kryqi i Kuq i Kosovës për Klinikën Emergjente, me qëllim që të ofrojë kujdes themelor për të sëmurë dhe të lënduar nga qasja e parë e pranimit, vendosjen ne barelë, karrocë, dhe bartjen e tyre deri në dhomat e monitorimit, observimit, diagnostikimit dhe trajtimit.

Poashtu, parashihet të sigurohet bashkëpunimi efektiv mes Shërbimit Spitalor dhe Klinik Universitar të Kosovës, Klinikës Emergjente dhe Kryqit të Kuq të Kosovës, në lidhje me edukimin, trajnimin, certifikimin dhe licencimin e ekipeve vullnetare të Ndihmës së Parë të Kryqit të Kuq të Kosovës, të cilët do të qëndrojmë në shumicën e rasteve një hap para pranimit të shërbimit mjekësor emergjent spitalor.

Në Memorandum, theksohet se ekipet e Kryqit të Kuq, do të asistojnë në përcjelljen e pacientëve së bashku me stafin mjekësor të Klinikës Emergjente. Ekipet Vullnetare të Ndihmës së Parë të Kryqit të Kuq të Kosovës nuk kanë përgjegjësi profesionale gjatë trajtimit të sëmurëve dhe lënduarve, por vetëm asistencë teknike.

Me respekt