Ekipi i SH.M.M “Dr Ali Sokoli” nga Prishtina fitoi vendin e parë, Gjimnazi “Aleksandër Xhuvani” nga Podujeva vendin e dytë dhe SH.M.L ”Ruzhdi Berisha” nga Dragashi vendin e tretë, në garat e dhënies së ndihmës së parë të organizuara nga Kryqi i Kuq i Kosovës dhe të mbajtura në sheshin “Zahir Pajaziti”.
Kryqi i Kuq i Kosovës, përmes këtyre garave synon ndërgjegjësimin masiv sesi duhet dhënë Ndihma e Parë, në mënyrë që të parandalohen dëmtimet e mëdha dhe të arrihet shpëtimi i jetës.
Kryqi i Kuq i Kosovës, falënderon të gjitha shkollat e Kosovës për bashkëpunim dhe shprehë mirënjohje për të gjithë pjesëmarrësit. Po ashtu gjithë instruktorët dhe punëtorët e vetë që mundësojnë mësimin për reagime në raste emergjente.
Falënderojmë mediat RTK dhe ATV për përcjelljen e aktivitetit.